Në Bota e Luleve çdo buqetë përgatitet e freskët dhe sipas porosisë suaj. Kjo faqe shpjegon kur dhe si mund të kërkoni zëvendësim ose rimbursim. Ajo plotëson Kushtet e Përdorimit.

1. Produkte të prishshme, pa kthim

Lulet janë produkt i prishshëm dhe buqetat krijohen sipas porosisë. Për këtë arsye, sipas legjislacionit për mbrojtjen e konsumatorit për kontratat në distancë, e drejta e tërheqjes dhe kthimi i produktit nuk zbatohen. Kjo nuk cenon të drejtat tuaja ligjore për produkte me defekt.

2. Anulimi i porosisë

• Ndryshime ose anulime pranohen deri 2 orë para orës së dorëzimit, me telefon, WhatsApp ose email.
• Pas këtij afati, ose pasi buqeta të jetë përgatitur, anulimi nuk është i mundur.
• Nëse porosinë e anulojmë ne (p.sh. mungesë lulesh ose pamundësi dorëzimi nga ana jonë), rimbursojmë shumën e plotë të paguar.

3. Problem me cilësinë ose porosinë

Nëse buqeta ka problem cilësie, është dëmtuar gjatë transportit ose nuk përputhet me porosinë, na njoftoni brenda 24 orëve nga dorëzimi:

• dërgoni një foto të buqetës te botaluleve@gmail.com ose në WhatsApp 068 517 4555;
• shkruani numrin e porosisë dhe emrin e marrësit.

Pas vlerësimit do të ofrojmë, sipas rastit, zëvendësim, rregullim ose rimbursim të pjesshëm ose të plotë. Dëmtimet që vijnë nga kujdesi i pamjaftueshëm pas dorëzimit (p.sh. mungesa e ujit, ekspozimi në diell ose nxehtësi) nuk mbulohen.

4. Dorëzimi i pasuksesshëm

Nëse dorëzimi nuk realizohet për shkaqe jashtë kontrollit tonë (adresë e gabuar, numër i paarritshëm, refuzim nga marrësi), porosia konsiderohet e kryer dhe nuk rimbursohet, pasi lulet janë produkt i prishshëm. Nëse marrësi nuk gjendet, do të kontaktojmë marrësin dhe dërguesin për të rënë dakord për një orë tjetër ose për lënien e buqetës te një person i caktuar.

5. Si bëhet rimbursimi

• Pagesë në dorëzim: rimbursimi kryhet me para në dorë ose me transfertë bankare, sipas marrëveshjes me ju.
• Pagesë online (kartë): shuma kthehet në të njëjtën kartë me të cilën është paguar, zakonisht brenda 5–14 ditëve pune, në varësi të bankës suaj.
• Kostoja e transportit rimbursohet vetëm kur gabimi ose problemi është i yni.

6. Na kontaktoni

• Bota e Luleve, e administruar nga Irena Caslli, NIPT: K61617036G
• Adresa: Bulevardi Zogu I, pranë Maternitetit të Vjetër, Tiranë
• Email: botaluleve@gmail.com
• Telefon / WhatsApp: 068 517 4555
• Orari: çdo ditë, 09:00 – 21:00